նախընտրելի դարձնելAssociated Television International-ը պատրաստվում է փաստագրական ֆիլմ նկարահանել Հայաստանի մասին: Այս մասին, այսօր՝ փետրվարի 28-ին, ՀՀ վարչապետ Կարեն Կարապետյանի հետ հանդիպման ժամանակ նշել է Ընկերության նախագահ Դեյվիդ ՄըՔենզին:
Կառավարությունից NEWS.am-ին հայտնում են, որ հանդիպմանը քննարկվել են Հայաստանի միջազգային ճանաչելիության բարձրացմանը, զբոսաշրջային հնարավորությունների ներկայացմանը եւ տուրիզմի խթանմանը վերաբերող հարցեր:
Դեյվիդ ՄըՔենզին նշել է, որ ընկերությունը պատրաստվում է փաստագրական ֆիլմ նկարահանել Հայաստանի մասին, որի նպատակն է Հայաստանը որպես առաջին քրիստոնյա երկիր ավելի ճանաչելի դարձնել աշխարհին, ներկայացնել հայ ժողովրդին, պատմությունը, մշակույթը եւ մեծացնել զբոսաշրջիկների հետաքրքրությունը մեր երկրի նկատմամբ:
Վարչապետը շնորհակալություն է հայտնել նախաձեռնության համար՝ նշելով, որ կառավարությունը կարեւորում է Հայաստանի զբոսաշրջության գրավչության բարձրացմանն ուղղված քայլերը եւ պատրաստ է քննարկել այդ նպատակին ուղղված առաջարկությունները:
