Աջափնյակ վարչական շրջանի բնակիչ Ռ.Ղ.-ն սպառնում է ինքնահրկիզվել: Այս մասին այսօր` ապրիլի 6-ին, NEWS.am-ի հետ զրույցում հայտնեցին Ոստիկանության տեղեկատվության եւ հասարակայնության հետ կապերի վարչությունից:

Ոստիկանություն 18:30-ի մոտ ահազանգել է Ռ.Ղ.-ի եղբայրը, որի խոսքով` նա այս քայլին դիմել է, քանի որ քաղաքապետարանից զգուշացրել են, որ տան դիմացի ցանկապատը անօրինական է կառուցված եւ ենթակա է փլուզման: 

Ռ.Ղ.-ն  պահանջում է, որ Երեւանի քաղաքապետ Տարոն Մարգարյանը ինքը գա եւ հավաստիացնի, որ պատը չի քանդվելու:

Ոստիկաններին եւ հարազատներին չի հաջողվում համոզել նրան ցած իջնել:

Լուսանկարը` tert.am-ի