Կոլումբիայում վերսկսվել են խաղաղության բանակցությունները կառավարության եւ Ազդային ազատագրության բանակի ապստամբների միջեւ, հաղորդում է «ՌԻԱ Նովոստի»–ն։

«Մենք վերսկսում ենք երկխոսությունը՝ բանակցությունների այս փուլում խաղաղության վերականգնման գործում հասարակության մասնակցության հարցը քննարկելու, ազգային մակարդակում երկկողմ ժամանակավոր զինադադարի (հունվարի 9-ին ավարտված) իրավիճակը գնահատելու, ինչպես նաեւ նոր զինադադարի պայմանավորվածության ձեռք բերելու համար»,–նշված է բանակցող կողմերի տարածած հայտարարության մեջ:

Կոլումբիայի նախագահ Խուան Մանուելը մարտի 12-ին հայտարարել է Ազդային ազատագրության բանակի հետ բանակցությունների վերսկսման մասին, որը զինված պայքար է մղում իշխանության դեմ 1964 թվականից ի վեր։ Այն  բաղկացած է մի քանի հազար մարդուց։ 2017 թվականի փոտրվարից խմբավորումը բանակցություններ էր սկսել կառավարության հետ խաղաղության հաստատման շուրջ, սակայն դրանք կասեցվել էին։