նախընտրելի դարձնել
Չինաստանի նախագահ Սի Ցզինպինը զինվորականներին կոչ է արել «պատրաստ լինել պատասխանելու» բարդ եւ դժվարին իրավիճակներին, քանի որ երկիրն անվտանգության մարտահրավերների է բախվում, հայտնում է South China Morning Post-ը:
«Անվտանգության հետ կապված ներկայիս իրավիճակը մեր երկրում հիմնականում անկայուն եւ անորոշ է: Բոլոր զինված ուժերը պետք է համակարգեն կարողությունների զարգացման եւ մարտական պատրաստության միջեւ փոխհարաբերությունները, պատրաստ լինեն ցանկացած պահի պատասխանելու տարբեր բարդ եւ դժվար իրավիճակներին, վճռականորեն պաշտպանելու ազգային ինքնիշխանությունը, անվտանգության շահերը եւ ամուր աջակցություն ցուցաբերելու ժամանակակից սոցիալիստական պետության համապարփակ կառուցմանը»,- ասել է Չինաստանի ղեկավարը: Նա նաեւ շեշտել է բարձր մակարդակի ռազմավարական զսպման, ինչպես նաեւ զինված ուժերում լրացուցիչ տեխնոլոգիական նորարարությունների անհրաժեշտությունը:
Ցզինպինի հայտարարությունը հնչեցվել է այն բանից հետո, երբ շաբաթ օրը պաշտպանության գլխավոր քարտուղար Վեյ Ֆենհեն զինվորականներին կոչ էր արել բարձրացնել մարտական պատրաստությունը` հայտարարելով, որ Չինաստանի ազգային անվտանգությունը «բարձր ռիսկի փուլում է գտնվում»:
