նախընտրելի դարձնելՍտամբուլի ոստիկանությունը ոչնչացրել է մարդկային օրգանների առեւտրով զբաղվող ցանցը եւ կալանավորել 20 մարդու: Այս մասին գրում է Nouvelles d`Arménie-ն` վկայակոչելով Անատոլիական գործակալությունը:
Կասկածյալներին հարցաքննում են ոստիկանությունում, կան նաեւ այլ մարդիկ, որոնք եւս կկալանավորվեն:
Թուրքիան խստացրել է մարդկային օրգանների վաճառքի դեմ պայքարի վերաբերյալ իր օրենսդրությունը եւ նման գործունեություն ծավալողները բռնվելու դեպքում կազատազրկվեն մինչեւ 15 տարվա ազատազրկման, ինչպես նաեւ մեծ տուգանքներ կվճարեն:
Թուրք վիրաբույժ Յուսուֆ Էրչին Սյոնմեզը մի քանի անգամ կալանավորվել է եւ երկու ամիս անցկացրել բանտում: նա առնչություններ է ունեցել Կոսովոյում մարդկային օրգանների առեւտրով զբաղվողների հետ:
Սյոնմեզը մեղադրվում է անօրինական առեւտրի, կազմակերպված հանցագործության եւ որպես բժիշկ իր գործառույթներն անօրիականորեն կատարելու մեջ:
Յուսուֆը կալանավորվել է, սակայն մի քանի ամիս անց ազատ է արձակվել:
