նախընտրելի դարձնել
Թուրքիան Իսրայելը հանել է արտահանման առաջնահերթ ուղղությունների իր պաշտոնական ցանկից, ինչը երկու երկրների հարաբերությունների անկման ցուցանիշ է և նշանակում է, որ Իսրայելին ապրանքներ և ծառայություններ մատակարարողները պետության կողմից չեն սուբսիդավորվի, իսկ չնախատեսված հանգամանքների դեպքում նրանք չեն կարող փոխհատուցման հույս ունենալ, գրում է News. israelinfo-ն։
Ինչպես նշում են իսրայելական լրատվամիջոցը, այսօր այս լուրերին արձագանքել է նաև թուրքական առաջատար ավիաընկերությունը՝ Turkish airlines-ը։ Լրատվամիջոցը, վկայակոչելով զբոսաշրջության ոլորտի աղբյուրները, հաղորդում է, որ Իսրայելի բոլոր զբոսաշրջային գործակալությունները հաղորդագրություն են ստացել թուրքական ավիաընկերությունից՝ առնվազն մինչև աշնան կեսերը դեպի «Բեն Գուրիոն» թռիչքները չեղարկելու մասին։
«Բոլոր թռիչքները չեղարկվում են մինչև 2024 թվականի հոկտեմբերի 26-ը՝ անվտանգության իրավիճակի պատճառով», - հայտարարել է թուրքական ընկերությունը և կարգադրել տոմսեր գնած հաճախորդներին ամբողջությամբ վերադարձնել գումարը։
Միաժամանակ News. israelinfo-ն պարզաբանում է, որ նման ընկերությունները քիչ չեն՝ և Turkish airlines-ը, և՛ Pegasus-ը չեղարկել են թռիչքները Գազայում պատերազմի սկսվելուց անմիջապես հետո։ «Էլ Ալը» որոշ ժամանակ թռիչքներ է կատարել Ստամբուլ՝ այնտեղ արգելափակված իսրայելցիներին հետ բերելու համար, հետո թռիչքներն ամբողջությամբ չեղարկվել են: Այժմ այս հարցում դրվել է վերջին կետը՝ Իսրայելի և Թուրքիայի միջև օդային հաղորդակցություն մինչև հոկտեմբերի վերջ չի լինի։
Turkish airlines-ը դադարեցրել է թռիչքները դեպի Իսրայել այն ժամանակ, երբ եվրոպական ընկերությունները մեկը մյուսի հետևից վերսկսում են թռիչքները դեպի Թել Ավիվ, թեև ոչ ամբողջ ծավալով։ Այսպես, նախօրեին Air France-ն իր առաջին թռիչքն է կատարել դեպի «Բեն Գուրիոն» վերջին երեք ամսվա ընթացքում։ Lufthansa խմբի ընկերությունները վերադարձել են ավելի վաղ։ Իռլանդական Ryanair ավիաընկերությունը նախատեսում է մասամբ վերսկսել թռիչքները փետրվարին, իսկ Wizz-ը՝ գարնանը։
Իսրայելական լրատվամիջոցին տված հարցազրույցում ռուսալեզու հատվածի ամենահայտնի տուրիստական գործակալներից մեկն ասել է, որ իրենց մասնագիտական հանրությունը շատ ուրախ է, որ թուրքերը լքել են իսրայելական շուկան, «թող գնան, առանց նրանց էլ ամեն ինչ լավ կլինի»:
