նախընտրելի դարձնել
Ռուսաստանը կարող է երկարաձգել հայ վարորդների իր տարածքում մնալու ժամկետը 90-ից մինչև 180 օր։ Այս մասին Ազգային ժողովի նիստում «Հայաստանի Հանրապետության կառավարության և Գերմանիայի Դաշնային Հանրապետության կառավարության միջև 2023 թվականի ֆինանսական համագործակցության մասին» համաձայնագրի վավերացման հարցի քննարկման ժամանակ հայտարարել է հանրապետության էկոնոմիկայի նախարար Գևորգ Պապոյանը, մեկնաբանելով բեռնատարների վարորդների բողոքի ակցիան, որոնք փակել էին Հայաստանից Վրաստան տանող բոլոր երեք մայրուղիները
Խոսքը Բավրայի, Բագրատաշենի և Գոգավանի անցակետերի մասին է։
«Մեր ռուս գործընկերների հետ բանակցությունները սկսվել են անմիջապես 90-օրյա սահմանափակման ներդրումից հետո։ Հայկական կողմը իր մտահոգություններն է հայտնել այս կապակցությամբ», - ասել է Պապոյանը։
Պաշտոնական Երևանի կարծիքով, այս ժամանակահատվածը բավարար չէ։
«Պետք է հաշվի առնել գոնե այն, որ վրաց-ռուսական սահմանին գոյացած հերթերի պատճառով վարորդները կարող են կանգնել մի քանի օր, ինչից հետո նրանք դեռ պետք է հասցնեն բեռը և հետ վերադառնան», - պարզաբանել է Կառավարության ներկայացուցիչը։
Նախարարը նշել է, որ հայկական կողմը պաշտոնապես դիմել է ռուսական կողմին՝ երկրում մնալու տևողությունը 90 օրից դարձնելով 180 օր։
«Ռուս գործընկերները համաձայնեցին մեր փաստարկներին և մեր տվյալներով, արդեն համապատասխան նախագիծ է մշակվել, որը գտնվում է ներքին շրջանառության փուլում», - հավելել է Պապոյանը։
Նա նաև ասել է, որ այս հարցը կքննարկվի հոկտեմբերի 24-ին Եվրասիական տնտեսական հանձնաժողովի նիստում։
