Հետազոտողները Ավստրալիայի Ոսկու հանքերի (Western Australia Goldfields) տարածաշրջանում «Լյուցիֆեր» անվամբ մեղվի նոր տեսակ են հայտնաբերել, հաղորդում է NBC News-ը։

Այս «սատանայական» անվանման պատճառը էգի դեմքից դուրս ցցված նրբին «եղջյուրներն» են, որոնք նրան արտասովոր տեսք են հաղորդում։

Մեղուն հայտնաբերվել է հազվագյուտ էնդեմիկ ծաղկի՝ բացառապես Bremer Range նեղ տարածքում՝ Նորսմենի և Հեյդենի միջև աճող Marianthus aquilonarius-ի դաշտային աշխատանքների ժամանակ։ Այս հազվագյուտ բուսական աշխարհի փոշոտման գործում մեղվի դերն ընդգծում է դրա կարևորությունը. գիտնականները նշում են, որ Ավստրալիայի բնիկ փոշոտողների մասին քիչ բան է հայտնի։

ԴՆԹ շտրիխ կոդավորման մեթոդների միջոցով հետազոտողները պարզել են, որ հավաքված արու և էգ նմուշները պատկանում են նույն տեսակին և չեն համընկնում առկա տվյալների բազաների կամ թանգարանային հավաքածուների որևէ գրառման հետ։ Դա այս խմբի տեսակի առաջին նոր նկարագրությունն է ավելի քան 20 տարվա ընթացքում, ինչն ընդգծում է, որ նույնիսկ լավ ուսումնասիրված երկրները, ինչպիսին է Ավստրալիան, նոր տեսակներ են թաքցնում։

Գիտնականները շեշտում են մտահոգիչ մի կետ. քանի որ «Lucifer»-ը հայտնաբերվել է հենց նույն փոքրիկ տարածքում, ինչ՝ հազվագյուտ ծաղիկը, դրա բնակության միջավայրը կարող է վտանգված լինել հանքարդյունաբերության, կլիմայի փոփոխության և բնակավայրերի կորստի պատճառով։