Մեքսիկայի արեւմտյան Խալիսկո նահանգի մայրաքաղաք Գվադալախարայում հուղարկավորության մասնակիցները զինված հարձակման են ենթարկվել, հաղորդում է ՏԱՍՍ-ը:
Հարձակման զոհ է դարձել երկու մարդ, վեցը վիրավորվել են, նշվում է տարածաշրջանի գլխավոր դատախազության հայտարարության մեջ:
«Ականատեսները պատմել են, որ արարողության անցկացման վայր են ժամանել երկու ամենագնաց եւ զինված մարդկանց մարդատար մեքենա: Նրանք կրակել են թաղման մասնակիցների վրա, որից հետո փախուստի են դիմել», - նշվում է փաստաթղթում:
Հարձակման կասկածյալների մասին տեղեկություններ չեն հաղորդվում:
Մայիսի վերջին Խալիսկոյի գլխավոր դատախազ Ռաուլ Սանչես Խիմենեսը հայտարարել էր, որ նահանգը բախվել է բռնության անհավանական ալիքի հետ: Ըստ իշխանությունների, կատարվածի հետ կապ ունեն «Խալիսկո-Նոր սերունդ» եւ «Նուեվա Պլասա» թմրակարտելները:
