ՄԱԿ-ը կոչ է արել ազատ արձակել Իրանում բողոքի ցույցերի ժամանակ ձերբակալվածներին, հաղորդում է ՏԱՍՍ-ը:
«Կոչ ենք անում իշխանություններին ազատ արձակել բոլոր նրանց, ովքեր ձերբակալվել են իրենց իրավունքների իրականացման համար, ներառյալ խաղաղ հավաքների իրավունքը»,-ասել է ՄԱԿ-ի մարդու իրավունքների հարցերով գերագույն հանձնակատար Ֆոլքեր Թյուրքը։
Նա նշել է, որ մարդու իրավունքների գերագույն հանձնակատարի գրասենյակը խորհուրդ է տալիս Իրանի իշխանություններին որքան հնարավոր է շուտ մորատորիում սահմանել մահապատիժների նկատմամբ եւ վերացնել հանցագործությունների համար կայացված մահապատիժները, որոնք միջազգային իրավունքում լուրջ չեն որակվում:
«Իրանում բողոքի ակցիաների հետեւանքով մահերի աճող թիվը, ներառյալ անցած հանգստյան օրերին երկու երեխաների մահը եւ անվտանգության ուժերի կողմից պատասխանի խստացումը, վկայում են երկրում տիրող կրիտիկական իրավիճակի մասին»,-հավելել է նա։
ՄԻԵԴ-ի տվյալներով ՝ Իրանում բողոքի ցույցերի ընթացքում սպանվել է ավելի քան 300 մարդ, այդ թվում՝ ավելի քան 40 երեխա, առնվազն վեց մարդու նկատմամբ մահապատիժ է կայացվել: