նախընտրելի դարձնելԱՄՆ-ում հուլիսի 20-ին նշում են վնասակար սննդի օրը, կամ բառացի «Սննդային մնացորդների օրը» (Junk Food day): Տոնը նախատեսված է ամեն տեսակ չիպսերի, տապակած կարտոֆիլների, քաղցրեղենի ու ֆասթ-ֆուդի սիրահարների համար:
Ինչպես հաղորդում է «ՌԻԱ նովոստին», նույնիսկ ամենահայտնի ազգային կերակուրը` հոթ-դոգը աղբ համարվող ուտելիքների շարքում է: Ուստի զարմանալի չէ, որ ամերիկացիների գրեթե 60%-ը տառապում է ավելորդ քաշից, եւ եթե «բնակչության ճարպակալումը» շարունակվի ներկայիս դինամիկայով, ապա 2015 թ. 75%-ը կհամարվի «ծանր քաշային»:
«Վնասակար սնունդ» տերմինն առաջին անգամ շրջանառության մեջ է մտել 40 տարի առաջ` միկրոկենսաբան Մայքլ Ջեկոբսոնի կողմից, ով այդպես է անվել բարձր կալորիականություն եւ առողջության համար վնասակար բաղադրիչներ պարունակող սննդամթերքը:
ԱՄՆ Քալիֆորնիայի «Scripps Research Institute»-ի գիտնականները 2008 թ-ին ապացուցել էին, որ «վնասակար սնունդը» ուղեղի վրա նույնպիսի ազդեցություն է ունենում, ինչպես թմրանյութերը` առաջացնելով սննդային կախվածություն:
