Սպանության համար դատապարտված եւ «Նուբարաշեն» քրեակատարողական հիմնարկում իր պատիժը կրող բանտարկյալը, ով դեկտեմբերի 2-ից հացադուլ էր հայտարարել, դադարեցրել է հացադուլը: Այս մասին NEWS.am-ի թղթակցի հետ զրույցում  ասաց Արդարադատության նախարարության քրեակատարողական վարչության մամուլի քարտուղար Գոռ Ղլեչյանը:

Նա նշեց, որ նրա առողջական վիճակը նորմալ , բայց  բացատրական աշխատանքների արդյունքում հացադուլ հայտարարելուց 3 օր անց  դադարեցրել է հացադուլը:

Ավելի վաղ տեղեկացրել էինք, որ սպանության համար դատապարտված եւ «Նուբարաշեն» քրեակատարողական հիմնարկում իր պատիժը կրող բանտարկյալը հացադուլ է հայտարարել: Այս մասին NEWS.am-ի թղթակցի հետ զրույցում  ասել էր  Արդարադատության նախարարության քրեակատարողական վարչության մամուլի քարտուղար Գոռ Ղլեչյանը, հավելելով, որ առանց բանտարկյալի համաձայնության չի կարող նշել նրա անունը: Նա տեղեկացրել էր, որ դատապարտյալը  դժգոհում է  դատավճռից: «Առողջական վիճակը նորմալ է: Գտնվում է  առանձին խցում, բժիշկների հսկողության տակ եւ նրա հետ տարվում են բացատրական աշխատանքներ՝ հացադուլը դադարեցնելու ուղղությամբ»,- ավելացրեց Գոռ Ղլեչյանը: