նախընտրելի դարձնել
Ոստիկանները հայտնաբերել են մի ամբողջ շարք գողություններ կատարած անձին:
Օգոստոսի 20-ին ոստիկանության Ստեփանավանի բաժնում հաղորդում էր ստացվել 1970 թ. ծնված Ռոբերտ Մ.-ի կողմից դեռեւս չգործող հագուստի խանութից տարբեր տեսակի հագուստներ, կոշիկներ, օծանելիքներ եւ այլ իրեր գողանալու մասին:
Ոստիկանության լրատվության վարչությունից հայտնում են, թե դեկտեմբերի 15-ին փաստի առթիվ հարուցված քրեական գործի նախաքննության ընթացքում պարզվել է, որ Ռոբերտ Մ.-ն 2011 թ. աշնանը, պատշգամբի պատուհանը հարմարեցված գործիքով բացելով, ապօրինի մուտք է գործել մի չբնակեցված բնակարան եւ գողացել ջեռուցման կաթսա եւ մարտկոցներ` պատճառելով մոտ 481.000 դրամի նյութական վնաս:
Դեկտեմբերի 15-ին նույն քրեական գործի նախաքննության ընթացքում պարզվել է, որ Ռոբերտ Մ.-ն 2011 թ. ամռանը, պատշգամբի պատուհանը հարմարեցված գործիքով բացելով, ապօրինի մտել է մեկ այլ չբնակեցված բնակարան եւ գողացել ջեռուցման կաթսա, չորանոց եւ մարտկոցներ` պատճառելով մոտ 464.500 դրամի նյութական վնաս:
Նախաքննության ընթացքում պարզվել է նաեւ, որ Ռոբերտ Մ.-ն 2012 թ. ամռանը, պատշգամբի պատուհանը հարմարեցված գործիքով բացելով, ապօրինի մտել է եւս մեկ չբնակեցված բնակարան եւ գողացել ջեռուցման կաթսա, չորանոց եւ մարտկոցներ` պատճառելով մոտ 475.000 դրամի նյութական վնաս:
Ռոբերտ Մ.-ն կալանավորված է:
Կատարվում է նախաքննություն:
