նախընտրելի դարձնել
Հանգուցյալ Էմի Ուայնհաուզի հայրը ավստրալական հեռուստաշոուներից մեկին տված հարցազրույցում քննադատության է ենթարկել դստեր մասին նկարահանված ֆիլմը, գրում է Independent-ը:
Միտչ Ուայնհաուզի խոսքով, Ասիֆ Կապադիայի ֆիլմում անարդարացի պնդում կա, թե մեռնելուց առաջ Էմին միայնակ էր եւ դժբախտ:
«Այդ ֆիլմում ինչ-որ բան սխալ է: Ընտանիքին դա դուր չի գալիս, Էմիի երկրպագուներին` նույնպես: Նա Ռեգի հետ էր, նրանք պատրաստվում էին ամուսնանալ: Չէի ուզում ասել, բայց Էմին նույնիսկ կարծում էր, թե հղի է: Եվ հանցագործություն է պնդել, թե աղջիկս միայնակ էր», - ասել է Ուայնհաուզը` նկատի ունենալով բրիտանացի ռեսժիսոր Ռեգ Թրեւիսին:
Էմի Ուայնհաուզը մահացել է ալկոհոլային թունավորման հետեւանքով` 2011-ին: Նա 27 տարեկան էր:
