նախընտրելի դարձնելՀայաստանում բարձր աշխատավարձ ստացող անձանց թույլ կտան կենսաթոշակային կուտակումները մեծացնել: Այս մասին նշված է խորհրդարանում քննարկվող «Կուտակային կենսաթոշակների մասին» օրենքում եւ ուղեկցող օրինագծերում փոփոխությունների օրինագծում:
Կենսաթոշակային հաշվին աշխատավարձից պետք է վճարել պարտադիր սոցվճարում 5 տոկոսի չափով, նույն չափի է պետության հավելավճարը: Այսպիսով, քաղաքացին իր կենսաթոշակային հաշվին ստանում է եկամուտների 10 տոկոսը: Բայց այս 5 տոկոսը չի կարող գերազանցել 25 հազար դրամից (այսինքն՝ 500 հազար աշխատավարձի 5 տոկոսը): Այսինքն՝ 500 հազար դրամից ավելի աշխատավարձի դեպքում չի կարելի 50 հազար դրամից ավելի կուտակել:
Օրինագծով թույլ է տրվում 500 հազար դրամից ավելի (մոտ 1040 դոլար) աշխատավարձի դեպքում կուտակումներն այնպես մեծացնել, որ պետության համաֆինանսավորման հետ կուտակային հաշվին փոխանցվի կրկին եկամուտների 10 տոկոսը: Իհարկե, պետության լրավճարը չի կարող 25 հազար դրամից անցնել: Սակայն տարբերությունը կարելի է ինքնուրույն ծածկել: Օրինակ՝ ամսական 800 հազար դրամ ստացողը կարող է ամսական 50 հազար դրամ կուտակել (25 հազար դրամ իր աշխատավարձից, 25 հազար դրամ՝ պետության համաֆինանսավորումից): Այժմ նա կարող է 80 հազար դրամ կուտակել (55 հազար իր հաշվին եւ 25 հազար՝ պետության):
