նախընտրելի դարձնելԱԺ նախկին պատգամավոր Հովհաննես Մարգարյանը ՕԵԿ նախագահ Արթուր Բաղդասարյանին պատկանող «Հայասի գրուպ» ընկերության գլխավոր տնօրենի պաշտոնից ազատվել է առողջական խնդիրների պատճառով: Այս մասին հայտնել են ՕԵԿ-ից՝ հավելելով, որ իրականությանը չի համապատասխանում մամուլի տեղեկությունը, ըստ որի նրան հեռացրել են ՕԵԿ-ից, ավելին Հովհաննես Մարգարյանը ՕԵԿ համագումարում ընտրվել է կուսակցության վարչության անդամ:
«Հայասի գրուպ» ընկերության տնօրինման եւ ղեկավարման գործառույթները օրենքով սահմանված կարգով Արթուր Բաղդասարյանը փոխանցել է որդուն՝ Վահան Բաղդասարյանին, ով հետայսու կիրականացնի ընկերության գործունեության ամբողջական ղեկավարումը:
ՕԵԿ-ը քաղաքական կառույց է, իսկ «Հայասի գրուպը» վերամշակող ձեռնարկություն եւ, հետեւաբար, լուրը, թե իբր ով դուրս է գալիս ‹‹Հայասի գրուպ›› ընկերությունից հեռացվում է նաեւ կուսակցությունից ոչ միայն ապատեղեկատվություն է, այլ նաեւ՝ անհաթեթություն , առավել եւս, որ ընկերության բազմաթիվ աշխատակիցներ անկուսակցականներ են»,-ասված է ՕԵԿ-ի պարզաբանկանմեջ:
Ավելի վաղ NEWS.am-ը հայտնել էր, որ «Ժամանակ» թերթի փոխանցմամբ, իրենց տեղեկություններով «Օրինաց երկիր» կուսակցությունից հեռացվել է կուսակցության վարչության անդամ Հովհաննես Մարգարյանը:
«Վերջինս ՕԵԿ նախագահին պատկանող «Հայասի» ընկերության տնօրենն էր, եւ տնօրենի պաշտոնից հեռացվելուց հետո հեռացվել է նաեւ կուսակցությունից:
ՕԵԿ-ն ու «Հայասին» այժմ մեկ միասնություն են, եւ բոլոր նրանք, ովքեր աշխատում են «Հայասիում», նաեւ կուսակցության անդամ են:
Արթուր Բաղդասարյանը կուսակցությունը պահելու այլ ճանապարհ չի գտել, քան գործարան-կուսակցություն սինթեզի իրականացումը: Բազմաթիվ ՕԵԿ-ականներ են անցել Հովհաննես Մարգարյանի ճանապարհով, երբ նրանց հեռացրել են գործարանից, կուսակցության հետ կապը կտրվել է ինքնաբերաբար»,-գրել է թերթը:
