Ֆրանս-պաղեստինցի իրավապաշտպան Սալահ Համուրին, մարտից առանց հիմնավոր մեղադրանքի՝ անվտանգությունը խախտելու մեղադրանքով անազատության մեջ է իսրայելական բանտերում, կիրակի ժամանել է Փարիզ՝ Իսրայելից արտաքսվելուց հետո, հաղորդում է AFP-ն:

Լրատվամիջոցները նշում են, որ 37-ամյա Համուրին Իսրայելում պահվել է վիճահարույց պայմաններում, որը հայտնի է որպես վարչական կալանք, ինչը թույլ է տալիս կասկածյալներին կալանքի տակ պահել մինչեւ վեց ամիս:

Իսրայելի ներքին գործերի նախարարությունը կիրակի ավելի վաղ հայտարարել էր արտաքսման մասին՝ ներքին գործերի նախարար Այելետ Շաքեդի՝ Համուրիին կացության կարգավիճակից զրկելու որոշումից հետո:

«Մենք դատապարտում ենք Իսրայելի իշխանությունների՝ Սալահ Համուրիին Ֆրանսիա արտաքսելու մասին օրենքին հակասող այսօրվա որոշումը»,- ասվում է Ֆրանսիայի ԱԳՆ տարածած հայտարարության մեջ։

Իսրայելի ռազմական դատարանը մարտին վարչական կալանքի է դատապարտել Համուրիին, ով Ֆրանսիայի քաղաքացիություն ունի՝ մեղադրելով նրան Պաղեստինի ազատագրման ժողովրդական ճակատի (PFLP) անդամ լինելու մեջ՝ ասելով, որ նա «սպառնում է տարածաշրջանի անվտանգությանը»։

Ֆրանսիայի արտաքին գործերի նախարարությունը հայտարարել է, որ Փարիզը «ամբողջովին մոբիլիզացված է, այդ թվում՝ պետական ​​ամենաբարձր մակարդակով», որպեսզի Համուրին կարողանա պաշտպանել իր իրավունքները, ստանա հնարավոր օգնությունը եւ նորմալ կյանք վարի իր հայրենի Արեւելյան Երուսաղեմում: