Իսրայելական լրատվամիջոցները կիրակի հայտնել են Իսրայելի հարավում գտնվող Ռամաթ Հովավ արդյունաբերական գոտում տեղի ունեցած պայթյունի մասին։ Դա տեղի է ունեցել այն բանից հետո, երբ զինվորականները տեղեկացրել են Իրանի կողմից հրթիռային հարձակման մասին, հաղորդում է AFP-ն։

Հեռուստաալիքները ցուցադրել են, թե ինչպես է Նեգև անապատի համալիրից սև թանձր ծուխ բարձրանում երկինք։

Միևնույն ժամանակ, ինչպես ընդգծում է AFP-ն, չի հաղորդվել, թե որն է եղել պայթյունի պատճառը։

Այնուամենայնիվ, միջադեպը տեղի է ունեցել իսրայելական բանակի՝ իրանական նոր հրթիռային հարձակման մասին հայտարարությունից անմիջապես հետո։