նախընտրելի դարձնել
Ռոտերդամի նավահանգստի մաքսավորները 1400 կիլոգրամ կոկաին են հայտնաբերել։ Թմրամիջոցը թաքցված է եղել Կարիբյան Կյուրասաո կղզուց ժամանած երեք բեռնարկղերի մեջ գտնվող կենցաղային ապրանքների արանքում։ Այս մասին հայտնում է NOS-ը։
Ամենախոշոր խմբաքանակը՝ 35 պարկում զետեղված 1199 փաթեթ կոկաինը, հայտնաբերվել է տեղափոխման համար նախատեսված անձնական իրերով բեռնարկղում։ Մյուս երկու բեռնարկղերում հայտնաբերվել է համապատասխանաբար 32 կգ և 177 կգ թմրամիջոց։ Դատախազության տվյալներով՝ բեռնարկղերն ստացողները մաքսանենգության հետ որևէ առնչություն չեն ունեցել։ Առգրավված ամբողջ խմբաքանակն արդեն ոչնչացվել է։
Եվրոպոլը վերջերս հայտնել է շոտլանդական հանցավոր խմբավորման դեմ իրականացված գործողության մասին, որը կասկածվում է թմրառևտրի մեջ։ Լեհաստանում նույնպես երեք կասկածյալ է ձերբակալվել՝ խոշոր չափերի թմրանյութերի մաքսանենգությամբ զբաղվող կազմակերպված հանցավոր խմբավորմանը մասնակցելու համար։
