Երուսաղեմի «Գերցլի գարեջուր» ընկերության մասնագետներին հաջողվել է վերստեղծել «աստվածաշնչյան» գարեջրի բաղադրատոմսը, որով գարեջուր էին պատրաստում Հիսուս Քրիստոսի ժամանակներում: Նրանք նաեւ այդ գարեջրի առաջին խմբաքանակն են արտադրել:

Ըստ Kedem-ի, դրա համար ցորենի այն տեսակն են օգտագործել, որից շուրջ 2000 տարի առաջ Սուրբ հողում գարեջուր են պատրաստել:

Գարեջրագործական ընկերությունը մեղրի եւ հատապտուղների բույրով 20 լիտր չֆիլտրած գարեջուր է պատրաստել: Արդյունքում կարմիր երանգով հեղուկ է ստացվել՝ մորու անսպասելի համով: