Նյու Յորքի «Vinnie’s Pizzeria» պիցերիան որոշել է պիցցան մատուցել տուփով, որը նույնպես պիցցայից է պատրաստված: Այս մասին գրում է Kedem-ը:
Մատուցման այս ձեւը թույլ է տալիս մեկ ուտեստում համատեղել պիցցայի մի քանի տեսակներ, ավելի երկար պահպանել տաքությունը, նվազեցնում է աղբի քանակությունը: Իսկ ամենակարեւորը. ուտելի տուփով պիցցայի լուսանկարները կայծակի արագությամբ տարածվել են սոցիալական ցանցերով:
Նշենք, որ անցյալ տարի «Vinnie’s Pizzeria» պիցերիան գուրմաններին զարմացրել էր բազմաթիվ փոքրիկ պիցցաներով միջուկով պիցցայով: