Սլովակիայից մոդել Մայկա Կուկուչովային մեղավոր են ճանաչել իր նախկին սիրեկանին՝ միլիոնատեր Էնդրյու Բուշին սպանելու մեջ: Այս մասին գրում է The Guardian-ը:
26-ամյա մոդելի գործը քննում էր իսպանական Մալագա քաղաքի դատարանը: Մեղադրող կողմը Կուկուչովայի համար 25 տարի ժամկետով ազատազրկում էր պահանջում: Դատական նիստի ժամանակ աղջիկը սկսել է լաց լինել՝ հայտարարելով, որ երբեք չի ցանկացել ցավ պատճառել իր սիրեցյալին:
Ըստ Lenta-ի, 48-ամյա Բուշը սպանվել է 2014 թվականին, իսպանական Կոստա դել Սոլ շրջանի իր առանձնատանը: Կուկուչովան պնդում էր, որ նրան գնդակահարել է խիստ վիճաբանության ժամանակ, սակայն հերքում էր սպանության փաստը:
Դեպքից որոշ ժամանակ առաջ Բուշը լքել էր Կուկուչովային՝ սիրավեպ սկսելով Ռուսաստանից ուսանողուհի Մարիա Կորոտաեւայի հետ: Նրա հետ էլ նա Իսպանիա է մեկնել եւ իր տանը գտել նախկին սիրուհուն: Նախկին սիրեկանների միջեւ վեճ է սկսվել, որի ընթաքում Կուկուչովան կրակել է միլիոնատիրոջ ուղղությամբ եւ փախուստի դիմել: Նրան հայտնաբերել են Սլովակիայում:
