Իշխանություններն ի սկզբանե ամեն ինչ արել են «հոկտեմբերի 27»-ի  բացահայտումը կոծկելու համար եւ այդ գործով դատապարտյալների հանկարծամահ լինելը կասկածանքի տեղիք է տալիս։ Այս մասին հունիսի 2-ին լրագրողների հետ հանդիպման  ժամանակ ասել է Հայ ազգային կոնգրեսի անդամ, ՀԺԿ ղեկավար Ստեփան Դեմիրճյանը՝ անդրադառնալով «հոկեմբերի 27»-ի գործով  դատապարտյալ Համլետ Ստեփանյանի՝ մոտ մեկ ամիս առաջ  հանկարծամահ լինելուն։ ՀԺԿ ղեկավարն ասել է, որ եթե անգամ Համլետ Ստեփանյանը մահացած լինի իր բնական մահով, ապա հասարակությունը միեւնույնն է կասկածում է, որ մահը եղել է պարտադրված։

Ըստ Դեմիրճյանի, նման կասկածները բնական են եւ մշտապես կլինեն, քանի որ հասարակությունը չի վստահում իշխանություններին եւ համոզված է, որ «հոկտեմբերի 27»-ի գործով արդարադատություն չի իրականացվել։