Ճապոնիայում իրենց հարյուրերորդ տարեդարձը նշած քաղաքացիներին այլեւս սակեի` սակաձուկի կոչվող արծաթյա բաժակներ չեն նվիրի, հաղորդում է Lenta.ru-ն՝ վկայակոչելով Kyodo տեղեկատվական գործակալությանը:

Իշխանությունները ստիպված են եղել նման որոշում կայացնել, որովհետեւ երկարակյացների քանակը չափազանց մեծացել է: Անցյալ տարի ավելի քան  29 հազար մարդ նշել է իր հարյուրամյակը: Իշխանությունների կանխատեսումներով  2018-ին նրանց թիվը կհասնի 39 հազարի:

2014 թվին շնորհավորական բաժակների գնումը կառավարությանն արժեցել է մոտավորապես 260 միլիոն յեն եւ երկրի բյուջեի համար բավականին մեծ բեռ է դարձել:

Իշխանություններն առաջարկում են ավանդական արծաթե բաժակները փոխարինել  ավելի էժան նյութից ստեղծված բաժակներով կամ էլ ուղղակի սահմանափակվել շնորհավորական նամակներով:

Հարյուրամյակը լրացած ճապոնացիներին արծաթյա սակաձուկի նվիրելու ավանդույթը գոյություն ունի   1936 թվից ի վեր: