Կանադական երկու խոշոր իրավաբանական ընկերություն`  Charney Lawyers-ը եւ Sutts and Strosberg ՍՊԸ-ը հայց են ներկայացրել այն ընկերությանը, որը դավաճան ամուսինների համար նախատեսված ծառայությունների կայք ունի` Ashley Madison.com-ը:

Ընդհանրական հայցի գումարի, որը ներկայացվել է Կանադայի բոլոր քաղաքացիների անունից, ում անձնական տվյալները հանրության սեփականությունն են դարձել, կազմում է  578 միլիոն դոլար: Հայցի պատասխանող կողմը Տորոնտոյում գրանցված   Avid Life Media ընկերությունն է, որին է պատկանում AshleyMadison.com-ը:  Եթե Օնտարիո նահանգի գերագույն դատարանը հաստատի, որ հայցը կարող է հավակնել ընդհանրականի կարգավիճակի, ապա դրան ընթացք կտրվի, հաղորդում է  Lenta.ru-ն http://lenta.ru/ վկայակոչելով The Time-ին:

Օգոստոսի 19-ին The Impact Team խմբի ցանցահենները հրապարակել էին   Ashley Madison.com ռեսուրսից օգտվողների անձնական տվյալները: Այդ ռեսուրսը ամուսնացած տղամարդկանց եւ կանանց հնարավորություն էր տալիս ամուսնությունից դուրս զուգընկերներ գտնել: Տուժած օգտատերերի քանակը, տարբեր աղբյուրների տվյալներով, 32-ից 39 միլիոն է: