նախընտրելի դարձնել
Ադոլֆ Հիտլերի մահից առաջ գրված նամակը ԱՄՆ-ի Մերիլենդ նահանգում աճուրդի է հանվել, հայտնում է The Sun-ը:
1945 թվականին գրված նամակում նա նշում է, որ հրաժարվում է լքել Բեռլինում գտնվող իր բունկերը, ուր մտել էր Կարմիր բանակը:
Նամակն ուղարկվել է Հիտլերի ամենասիրելի հրամանատարներից մեկին՝ գեներալ-ֆելդմարշալ Ֆերդինանդ Շերներին, որը ֆյուրերին համոզում էր լքել Գերմանիայի մայրաքաղաքը:
«Ես կմնամ Բեռլինում, որպեսզի արժանապատվորեն մասնակցեմ հանուն Գերմանիայի վճռորոշ մարտին եւ լավ օրինակ ծառայեմ նրանց համար, ովքեր մնում են: Ես հավատում եմ, որ այդպիսով լավ ծառայություն կմատուցեմ Գերմանիային: Ինչ վերաբերում է ձեզ, ամեն ջանք պետք է ուղղվի Բեռլինի համար պայքարին: Դուք կարող եք մեծ օգնություն ցուց տալ՝ որքան հանրավոր է շուտ հյուսիս շարժվելով»,- նշվում է նամակում:
Նամակի մեկնարկային գինը 30 հազար դոլար է: Աճուրդի տունն ակնկալում է, որ նամակը կարող է 80 հազար դոլարով վաճառվել:
