նախընտրելի դարձնելՀայաստանի նախագահ Սերժ Սարգսյանն ԱՊՀ պատվիրակություններին հրավիրել է Երեւան` մասնակցելու հրատարակիչների եւ թարգմանիչների ֆորումին, որը կկայանա հաջորդ տարի:
Ֆորումը նվիրված է ՅՈՒՆԵՍԿՕ-ի կողմից Երեւանը 2012-ին Գրքի համաշխարհային մայրաքաղաք ճանաչելուն: Այն կանցկացվի ԱՊՀ անդամ երկրների հումանիտար համագործակցության միջպետական հիմնադրամի աջակցությամբ:
Հիշեցնենք, որ այսօր` սեպտեմբերի 3-ին Դուշանբեում սկսվել է ԱՊՀ հոբելյանական` 20-րդ գագաթաժողովը: Այս տարվա դեկտեմբերին կլրանա ԱՊՀ ստեղծման 20-րդ տարին:
ԱՊՀ երկրների ղեկավարները քննարկում են ԱՊՀ հետագա զարգացման հարցերը եւ արդիական միջազգային խնդիրները:
Հիշեցնենք, որ ԱՊՀ ոչ բոլոր երկրների ղեկավարներն են մասնակցում հոբելյանական գագաթաժողովին: Չեն մասնակցում, մասնավորապես, Ուզբեկստանի, Ադրբեջանի եւ Բելառուսի նախագահները: Հայաստանի նախագահ Սերժ Սարգսյանը ժամանել է Դուշանբե սեպտեմբերի 2-ին:
