Թուրքիայի նախագահ Թայիփ Էրդողանը հայտարարել է, որ, պարենային գործարքի շրջանակներում, Ուկրաինայից ավելի քան 16 միլիոն տոննա գյուղմթերք է արտահանվել։

«Մեր բացած միջանցքի շնորհիվ ավելի քան 16 միլիոն տոննա հացահատիկ եւ հացահատիկային ապրանքներ լքել են Ուկրաինայի նավահանգիստները եւ հասել ամբողջ աշխարհին»,- գրել է Էրդողանը Twitter-ում։

Հացահատիկի գործարքը, որը հուլիսի 22-ին ստորագրվել է Ռուսաստանի, Թուրքիայի, Ուկրաինայի եւ ՄԱԿ-ի ներկայացուցիչների կողմից, ենթադրում է ուկրաինական հացահատիկի, սննդամթերքի եւ պարարտանյութի արտահանում Սեւ ծովով երեք նավահանգիստներից, այդ թվում՝ Օդեսայից: Պայմանագրի ժամկետը լրացել է նոյեմբերի 18-ին, սակայն ենթադրում է, որ այն մեխանիկորեն 120 օրով կերկարաձգվի՝ կողմերի առարկությունների բացակայության դեպքում։ Գործարքն ինքնին փաթեթային գործարքի անբաժանելի մասն է, որը, ի թիվս այլ բաների, նախատեսում է պարենամթերքի եւ պարարտանյութերի ռուսական արտահանման ապաշրջափակում: Մոսկվան նշել է, որ դա հենց այն էր, ինչը չիրականացավ։ Միաժամանակ ՄԱԿ-ից եղան հավաստիացումներ, որ սահմանափակումները կվերացվեն։