նախընտրելի դարձնել
Երևան-Սևան ավտոճանապարհի գազալցակայանում տեղի ունեցած պայթյունի հետևանքով տուժածներից երկուսի վիճակը շարունակում է մնալ ծայրահեղ ծանր։ Դրա մասին հունիսի 12-ին Ազգային ժողովտում հայտնել է Հանրապետության առողջապահության նախարար Անահիտ Ավանեսյանը։
Նա հիշեցրել է, որ 7 տուժածներից մեկը, ստանալով անհրաժեշտ օգնությունը, նույն օրը դուրս է գրվել հիվանդանոցից։
«Տուժածներից երկուսի վիճակը ծայրահեղ ծանր է։ Նրանք շարունակում են բուժօգնություն ստանալ վերակենդանացման բաժանմունքում։ Մնացած չորս տուժածների վիճակը միջին ծանրության է։ Դրական դինամիկա է նկատվում»,- նշել է Ավանեսյանը։
