Նախընտրելի
ԱՄՆ պետքարտուղար Մարկո Ռուբիոն եվրոպացի պաշտոնյաներին ասել է, որ նախագահ Դոնալդ Թրամփի վարչակազմը կպահպանի Ռուսաստանի դեմ պատժամիջոցներն այնքան ժամանակ, քանի դեռ համաձայնություն ձեռք չի բերվել Ուկրաինայում պատերազմը դադարեցնելու վերաբերյալ, հայտնել է Bloomberg-ը՝ հղում կատարելով աղբյուրներին։
Պարբերականի զրուցակիցների խոսքով՝ Ռուբիոն այս մասին նշել է երեքշաբթի մի խումբ եվրոպացի պաշտոնյաների հետ հեռախոսազրույցում՝ Սաուդյան Արաբիայում ամերիկյան եւ ռուսական պատվիրակությունների հանդիպումից հետո։
Ինչպես գրել է գործակալությունը, դա կարող է «որոշ թեթեւացում բերել եվրոպացի դաշնակիցներին»։
«Պատժամիջոցներից շատերը [Ռուսաստանի դեմ] մտցվել են եվրոպական դաշնակիցների հետ համակարգմամբ: Սահմանափակումները ժամանակից շուտ հանելու ԱՄՆ որոշումը լուրջ հարված կհասցնի Պուտինին իր ռազմական մեքենայի ֆինանսավորման համար անհրաժեշտ գումարից զրկելու Եվրոպայի ջանքերին»,- գրել է գործակալությունը։
Պետդեպարտամենտում հրաժարվել են մեկնաբանել պատժամիջոցների մասին Ռուբիոյի մեկնաբանությունները, նշել է Bloomberg-ը։
