Թուրքիայի Մուղլա նահանգի Բոդրում շրջանի ափերի մոտ անօրինական միգրանտներ տեղափոխող ռետինե նավակ է խորտակվել։ Ինչպես հաղորդում է «NTV» հեռուստաալիքը, պատահարի հետևանքով 19 միգրանտ է զոհվել, 20-ին հաջողվել է փրկել։

Դեպքի պատճառները դեռևս անհայտ են։

Ահազանգն ստանալուն պես առափնյա պահպանության խմբերը ուղարկվել են տվյալ տարածք։

Սկզբնական շրջանում նրանք 11 միգրանտի մարմին են հայտնաբերել։

Փրկարարական աշխատանքների ընթացքում զոհերի թիվը հասել է 19-ի։ Հայտնի է դարձել նաև, որ մահացածների թվում մեկ մանկահասակ երեխա կա։