Իրանի կրթության նախարար Ալիռեզա Քազեմին հայտարարել է, որ կառավարությունը ներկայումս չի ծրագրում վերականգնել առկա ուսուցումը, հայտնում է Fars-ը։

«Ներկա հանգամանքներում և մինչև հետագա ծանուցում ուսուցումը կշարունակվի հեռավար ձևաչափով։ Դպրոցների աշխատանքի վերսկսման վերաբերյալ ցանկացած որոշում կկայացվի համապատասխան հաստատությունների հետ համակարգմամբ՝ հաշվի առնելով աշակերտների, ուսուցիչների և ընտանիքների անդորրն ու անվտանգության ապահովումը»,- նշել է Իրանի կրթության նախարարը։

ԱՄՆ-ի և Իրանի միջև երկշաբաթյա զինադադարը պետք է ավարտվի ապրիլի 22-ին։ Ավելի վաղ Իրանը հայտարարել էր, որ ԱՄՆ-ի հետ բանակցությունների հաջորդ փուլի ժամկետը դեռ նշանակված չէ։