Ճապոնիայում երկար երշիկի տեսքով խաշած ձու են վաճառում: Այս ձեւը թույլ է տալիս արագ եւ խնամքով կատարելապես հավասար կտորների բաժանել ձուն:
Ինչ վերաբերում է բաղադրությանը. այն միայն ձու է պարունակում՝ առանց ավելորդ հավելումների: Երշիկանման ձուն պատրաստում են SANOVO 6-32 հատուկ սարքի օգնությամբ, որն առանձնացնում է հում ձվի դեղնուցն ու սպիտակուցը, այնուհետեւ դեղնուցից միջուկ ձեւավորում՝ միաժամանակ այն պատելով սպիտակուցային զանգվածով, որը պատրաստվելու ընթացքում ամրանում է:
Ըստ kedem.ru-ի, արդյունքում հարմար եւ ամբողջությամբ բնական ձվով ռուլետ է ստացվում: