Facebook սոցիալական ցանցի 65 հազար օգտատերերի շուրջ 10 մլն հաղորդագրությունների վերլուծությունը (օգտատերերը համաձայնել են իրենց նամակագրությունը տրամադրել ուսումնասիրության համար) ցույց է տվել գենդերային տարբերությունը տղամարդկանց եւ կանանց ակտիվ բառապաշարում: Հետազոտության արդյունքները հրապարակվել են PLOS ONE ամսագրում:
Ամերիկացի եւ ավստրալացի գիտնականների հետազոտության համաձայն, կանանց խոսքում ավելի հաճախ հանդիպում են «հրաշք», «երջանիկ», «ծնունդ», «դուստր», «փոքրիկ», «երախտապարտ» բառերը: Իսկ տղամարդիկ հաճախ գործածում են «ազատություն», «պարտություն», «մարտ», «թշնամի» բառերը: Հետազոտությանը մասնակցած հոգեբան Մարգարեթ Քյորնի խոսքով, արդյունքները միանգամայն համապատասխանում են ընդունված հիմնական կարծրատիպերին:
Ըստ Gazeta-ի, կանայք նաեւ ավելի հաճախ զրուցում են ընտանիքի, ընկերների եւ ընդհանրապես մարդկային հարաբերությունների մասին: Իսկ տղամարդիկ նախընտրում են քննարկել առարկաներ, այլ ոչ մարդկանց, ավելի հաճախ սկսում են վիճաբանել եւ ձգտում են պնդել իրենց տեսակետը: