Սիրիայում ապրող հայերին վտանգ միայն քրդերից է սպառնում: Այս մասին NEWS.am-ի հետ զրույցում ասաց Սիրիայում Կաթոլիկ եկեղեցու Սիրիայի Ջեզիրեի շրջանի առաջնորդ հայր Անդրանիկ Ծ.Վ. Այվազյանը:
«Մեր շրջանում ունենք ինքնապաշտպանության ջոկատներ, միակ վտանգը քրդերից է գալիս: Քրդերը մտնում են վարժարաններ, առգրավում են քրիստոնյաների տները, արտերը, քանդում վարժարանները: Պետությունը սպասելով լավ առիթի, փորձում է մեզ օգնել, հուսով ենք, որ բանակը ի վերջո կկարողանա տեր կանգնել ամբողջ շրջանին եւ վերականգնել մեր իրավունքները:»,-ասաց նա:
Հայր Անդրանիկի խոսքով, հայերի համար Սիրիան անփոխարինելի երկիր է. «Մեր՝ սիրիահյերիս համար, Սիրիան անփոխարինելի երկիր է, այն ազատությունները, որոնք մենք ունենք Սիրիայում, ոչ մի տեղ չունենք՝ ոչ հարկ ենք մուծում, ոչ դրոշմաթուղթ ենք տալիս, ոչ հոսանքի, ոչ ջրի փող ենք տալիս: Հույս ունենք, որ, եթե արտագաղթածների մի մասը վերադառնա՝ կվերագտնենք ու կվերականգնենք մեր կորցրածը»: