Հայաստանում նոյեմբերի 20-25-ը անցկացվել է «Ժամանակն է սովորել Ռուսաստանում» օլիմպիադայի տեղեկատվական փուլը, որին մասնակցել են Երեւանի եւ Գյումրիի ավարտական դասարանների 400-ից ավելի դպրոցականներ:

Օլիմպիադայի համակարգողն է «Ռուսհամագործակցության»  ներկայացուցչությունը:

Օլիմպիադայի ընտրական փուլի հաղթողները իրավունք կստանան ՌԴ 10 առաջատար տեխնիկական բուհերում ուսանելու՝ Ռուսաստանի պետբյուջեի հաշվին:

Օլիմպիադայի առաջին փուլի անցկացմանն աջակցել է Գյումրիում Ռուսաստանի գլխավոր հյուպատոսությունը եւ Գյումրիի կրթության վարչությունը:

Ընտրական փուլը կկայանա 2014թ. գարնանը՝ Երեւանում, Գյումրիում եւ Վանաձորում: