Ոստիկանության Երեւան քաղաքի վարչության գրպանահատության դեմ պայքարի բաժանմունքի ծառայողները, նոյեմբերի 27-ին, ժամը 19.30-ին, գողություն կատարելու կասկածանքով, Երեւանի Արտաշիսյան փողոցի թիվ 42/7 շենքի մոտից բերման են ենթարկել 1955 թ. ծնված Հակոբ Հ.-ին, որը խոստովանել է, որ նոյեմբերի 26-ին, ժամը 13.00-ին,  Խանջյան փողոցում` թիվ 17 երթուղային ավտոբուսի սրահում, անծանոթ կնոջ պայուսակից գողացել է բջջային հեռախոս:

Ոստիկանության լրատվության վարչությունից հայտնում են, թե Հակոբ Հ.-ն ներկայացրել է գողոնը:

Ձեռնարկված միջոցառումների շնորհիվ պարզվել է, որ հեռախոսը պատկանում է 1978 թ. ծնված Արմինե Ղ.-ին:

Կատարվում է հետաքննություն: