Հիվանդանոցից ոստիկանության Աշոցքի բաժնում նոյեմբերի 29-ին, ժամը 12.45-ին, հաղորդում է ստացվել, որ կոնքի ոսկրերի կոտրվածքով իրենց մոտ բուժօգնության է դիմել 1979 թ. ծնված Շուշանիկ Գ.-ն:

Մեկնած օպերատիվ խումբը պարզել է, որ ժամը 12.20-ի սահմաններում Ցողամարգ գյուղի դպրոցի մոտ 1991 թ. ծնված Կարլեն Ու.-ն «ԲՄՎ» մակնիշի ավտոմեքենայով հետընթաց կատարելիս վրաերթի է ենթարկել Շուշանիկ Գ.-ին:

Ոստիկանության լրատվության վարչությունից հայտնում են, թե քննչական բաժնում նախապատրաստվում են նյութեր: