նախընտրելի դարձնել«ՎԿոնտակտե» սոցցանցի որոշ էջերում ծայրահեղական գործունեության «կոչեր» են պարունակվում, հայտնում է «Կոմսոմոլսկայա պրավդան»` վկայակոչելով Գլխավոր դատախազությունը:
Աղբյուրը նշում է, որ Գլխավոր դատախազությունը «Ռոսկոմնադզոր»-ից պահանջել է սահմանափակել այդ էջերի հասանելիութունը: «Դիտարկման ընթացքում հայտնաբերվել է, որ սոցցանցի ռուսալեզու 7 էջերում ազատ տեղադրված են ծայրահեղական եւ ահաբեկչական գործունեություն իրականացնելու կոչեր պարունակող նյութեր, որոնք հասանելի են անսահմանափակ քանակությամբ անձանց համար», - մեջբերում է թերթը Գլխավոր դատախազության ներկայացուցիչ Մարինա Գրիդնեւայի հայտարարությունը:
Իրավապահները նաեւ հայտարարում են, որ նշված ռեսուրսներում տեղադրված են ահաբեկիչներին ֆինանսական օգնություն ցուցաբերելու կոչեր` բջջային հեռախոսահամարների եւ այլ վճարային հաշիվների նշումներով:
Թերթը նշում է, որ ամենից հաճախ վիրտուալ ծայրահեղական միավորումներ ստեղծվում են հենց «ՎԿոնտակտե»-ում: Վերջին կես տարում արգելափակվել է շուրջ 450 էջ:
