նախընտրելի դարձնել
Կորոնավիրուսով վարակված ավելի քան հարյուր մարդ ստիպված է տանը մնալ ծանր վիճակում: Այս մասին նոյեմբերի 9-ին ՀՀ ԱԺ-ում ֆինանսավարկային եւ բյուջետային, ինչպես նաեւ առողջապահական եւ սոցիալական հարցերի մշտական հանձնաժողովի համատեղ նիստին, պատասխանելով պատգամավորների հարցերին, ասաց ՀՀ առողջապահության նախարար Արսեն Թորոսյանը:
Այդպես, նոյեմբերի 9-ի առավոտյան ժամը 8-ի դրությամբ, COVID-19-ով վարակված 861 մարդ բժշկական օգնության է սպասում:
«Ընդ որում, հիվանդների մեծ մասը բուժվում է տանը: Նրանցից 113-ը գտնվում է շատ ծանր վիճակում: Նրանց մոտ արյան հագեցվածությունը թթվածնով 80 տոկոսից պակաս է: Եվս 271-ի դեպքում այդ ցուցանիշը 81-90 տոկոս է, իսկ 101-ի դեպքում` ավելի քան 90 տոկոս»,- ասաց նախարարը:
Նշենք, որ երեկվա ընթացքում գրանցվել է կորոնավիրուսով վարակման 1042 դեպք: Վիրուսից մահացել է 21 մարդ: Այդպես, մարտի սկզբից COVID-19-ով վարակման դեպքերի թիվը հասել է 107 466-ի, մահացել է 1580 մարդ:
