Ուգանդայում գետաձին քիչ է մնացել կուլ տա 2-ամյա տղային, սակայն «թքել է» նրան, երբ ականատեսը սկսել է քարեր նետել նրա վրա:

Կատվե-Կաբատորո քաղաքում լճափին գտնվող տան մոտ փոքրիկը խաղալիս է եղել, երբ հսկայական գետաձին բռնել է նրան, հայտնում է Capital FM Uganda-ն:

Ականատես Կրիսպաս Բագոնզան սկսել է քարեր ներետլ կենդանու վրա, ինչի հետեւանքով կենդանին «թքել է» տղային:

Երեխային տեղափոխել են մոտակա Բվերա քաղաքի հիվանդանոց, իսկ գետաձին վերադարձել է ջուր:

«Բագոնզան քարերով հարվածել է նրան եւ վախեցրել է`նրան ստիպելով բերանից հանել զոհին», - ավելի ուշ հայտնել է Ուգանդայի ոստիկանությունը։

Ենթադրվում է, որ Աֆրիկայում գետաձիերը պատճառ են դառնում տարեկան առնվազն 500 մարդու մահվան: