ԱՄՆ նախագահ Ջո Բայդենը եւ Ճապոնիայի վարչապետ Ֆումիո Կիշիդան, ինչպես սպասվում է, կհանդիպեն Վաշինգտոնում արդեն հունվարի 13-ին։ Այս մասին Reuters գործակալությանը հայտնել է հանդիպման նախապատրաստմանը ներգրավված աղբյուրը: 

ԱՄՆ նախագահի եւ նրա առանցքային ասիական գործընկերոջ միջեւ հանդիպումը տեղի կունենա Հյուսիսային Կորեայի հրթիռային փորձարկումների եւ միջուկային զինանոցի ավելացման կոչերի ֆոնին, որոնք անհանգստացնում են տարածաշրջանում ԱՄՆ դաշնակիցներին:

Կիշիդան նախատեսում է քննարկել Ճապոնիայի անվտանգության նոր քաղաքականությունը, որը վերանայվել է այս ամիս եւ բացահայտել Երկրորդ համաշխարհային պատերազմից ի վեր երկրի ռազմական ներուժի ամենամեծ զարգացումը:

Սպիտակ տունը հրաժարվել է մեկնաբանել այդ հանդիպման վերաբերյալ որեւէ ծրագիր։