Ամերիկա-իսրայելական հարվածների հետևանքով Իրանի ողջ տարածքում առնվազն 153 բժշկական հաստատություն է վնասվել, հայտնում է Tasnim-ը:

«Հետաքննությունները ցույց են տալիս, որ... վնասվել է երկրի առողջապահական ցանցի 153 բժշկական հաստատություն, որոնցից ամենամեծ թիվը բաժին է ընկել համալիր բժշկական սպասարկման 56 կենտրոններին»,- գրում է իրանական լրատվամիջոցը։

Տուժել են նաև բժշկական համալսարանները։

«Ամենաշատը տուժել է Քերմանշահի համալսարանը՝ 42 վնասված օբյեկտ, որին հաջորդում է Սպահանը՝ 19 օբյեկտ։ Ցավոք, այս միջադեպերի հետևանքով զոհվել է 10 մարդ, իսկ 248 մարդ ստացել է բժշկական օգնություն և դուրս գրվել»,- հայտնում է Tasnim-ը։