ՄԱԿ գլխավոր քարտուղար Անտոնիո Գուտերեշը կապ է հաստատել Հայաստանի եւ Ադրբեջանի առաջնորդներ Նիկոլ Փաշինյանի եւ Իլհամ Ալիեւի հետ եւ նրանց հորդորել է անհապաղ կարգավորել իրավիճակը, ճեպազրույցում հայտարարել է գլխավոր քարտուղարի պաշտոնական ներկայացուցիչ Ստեֆան Դյուժարիկը, հայտնում է ՌԻԱ Նովոստին:
«Պարոն Գուտերեշն այսօր առավոտյան խոսեց Ադրբեջանի նախագահ Ալիեւի եւ Հայաստանի վարչապետ Փաշինյանի հետ: Հեռախոսազրույցների ընթացքում գխավոր քարտուղարը իր մտահոգությունը հայտնեց հայ-ադրբեջանական սահմանին ռազմական գործողությունների մասին հաղորդագրությունների կապակցությամբ»,- ասել է Դյուժարիկը: «Գլխավոր քարտուղարը նորից կրկնեց անհապաղ եւ լիակատար ապաէսկալացիայի իր կոչը»,- հավելել է նա:
Նրա խոսքերով՝ Գուտերեշը նաեւ երկու երկրների ղեկավարներին կոչ է արել զերծ մնալ սադրիչ հռետորաբանությունից եւ վերադառնալ բանակցություններին: