Մահացել է ՀՀ նախկին պետնախարար, աշխարհահռչակ հնագետ Գրիգոր Արեշյանը: Այս մասին իր ֆեյսբուքյան էջում գրել է ԱԺ «Իմ քայլը» խմբակցության պատգամավոր Նարեկ Մկրտչյանը:
Գրիգոր Արեշյանը ծնվել է 1949 թվականի մայիսի 13-ին Երեւանում:
1966-1970՝ Երեւանի պետական համալսարանի պատմական ֆակուլտետ:
1970-1973՝ Երեւանի պետական համալսարանի ասպիրանտ, պատմական գիտությունների թեկնածու:
1970-1973՝ Երեւանի պետական համալսարանի հնագիտության ամբիոնում լաբորանտ:
1973-1980՝ կրտսեր գիտաշխատող Երեւանի պետական համալսարանի հայագիտության կենտրոնում:
1980-1981՝ ավագ գիտաշխատող, ապա Հայկական ԽՍՀ նախարարների խորհրդին կից հուշարձանների պահպանության վարչության պետի տեղակալ:
1981-1987՝ Երեւանի պետական համալսարանի լաբորատորայի վարիչ:
1987 թվականից՝ Երեւանի պետական համալսարանի դոցենտ:
1987-1991՝ Հայկական ԽՍՀ Գիտությունների ակադեմիայի հնագիտության ինստիտուտի տնօրենի տեղակալ:
1991-1992՝ Հայաստանի պետական նախարար, ղեկավարում էր Ռուսաստանի հետ բանակցություններում պետական պատվիրակությունը:
Ավելի ուշ տեղափոխվել է ԱՄՆ, աշխատել Լոս Անջելեսում Կալիֆոռնիական համալսարանին կից Հնագիտական կենտրոնում: ՀՀ ԳԱԱ արտասահմանյան անդամ (2014թ.):
