նախընտրելի դարձնել
«Ներազգային ազատագրական շարժում» նախաձեռնության ղեկավար Վահան Մարտիրոսյանին, որը հայտարարել էր, թե ԱԺ ՀՀԿ խմբակցության պատգամավոր Մհեր Սեդրակյանի մտերիմներն իրեն ու կնոջը իրենց տան մեջ ծեծի են ենթարկել, հարևաններն արդեն 1 ամիս է` չեն տեսել, իսկ նրա մորը` տիկին Ջուլիետային, վերջին անգամ մի քանի օր առաջ են տեսել։
Հարեւանները NEWS.am–ին պատմեցին, որ Վահան Մարտիրոսյանի տանը միշտ կռիվ ու ծեծկռտուք է եղել, երբեմն նույնիսկ մայրը իրենց է օգնության կանչել։
Վահան Մարտիրոսյանի ընտանիքը վերջին տարիներին էր բնակվում այդ տանը։
Նշենք, որ այսօր ադրբեջանական АPA գործակալությունը հայտնել էր, որ Վահան Մարտիրոսյանն իր և իր ընտանիքի անվտանգության համար հեռացել է Հայաստանից և քաղաքական ապաստան խնդրել Ադրբեջանից: Նույն աղբյուրը պնդում է, որ վաղը Վահան Մարտիրոսյանը Բաքվում ասուլիս է տալու։ ՀՀ ԱԱԾ–ն իր հերթին, NEWS.am-ին ասել է, որ դեռ ստուգում են Վահան Մարտիրոսյանի եւ նրա կնոջ` Ադրբեջան անցնելու լուրի իսկությունը։
Ավելի վաղ տեղեկացրել էինք, որ oգոստոսի 15-ին «Ներազգային ազատագրական շարժում» նախաձեռնության ղեկավար Վահան Մարտիրոսյանը դիմել էր ոստիկանություն` հայտնելով, որ իրեն ու կնոջը իրենց տանը մի խումբ անձինք ծեծի են ենթարկել ԱԺ ՀՀԿ խմբակցության պատգամավոր Մհեր Սեդրակյանի մտերիմներն ու թիկնազորի ներկայացուցիչները: Մհեր Սեդրակյանն այս տեղեկությունը հերքել էր։ Ոստիկանությունն ավելի ուշ պարզել էր, որ այդ օրն իրականում Վահան Մարտիրոսյանի ընտանիքում է վեճ տեղի ունեցել։
Դրանից հետո Վահան Մարտիրոսյանի ծանոթներից Ռուզան Մարգունին դիմել էր ոստիկանություն` հայտնելով, որ Մարտիրոսյանին ու նրա կնոջը մի քանի օրով հյուրընկալել է իր տանը, ինչից հետո հայտնաբերել է, որ տնից 3820 դոլար է անհետացել: Դեպքի առթիվ հարուցվել է քրեական գործ Քրեական օրենսգրքի 118-րդ հոդվածի հատկանիշներով: Սեպտեմբերի 9-ից Վահան Մարտիրոսյանի նկատմամբ հետախուզում է հայտարարվել։
