նախընտրելի դարձնելԱՄՆ նախագահ Դոնալդ Թրամփի քաղաքականությունից դժգոհ հարյուրավոր ամերիկացիներ Չիկագոյում հավաքվել են նրան պատկանող հյուրանոցի շենքի դիմաց եւ հանել տաբատները, հայտնում է Ruptly-ն:
Ցուցարարներն այսկերպ Թրամփից պահանջել են հրապարակել հարկային հայտարարագիրը: Նրանք ցանկանում են, որ նրա ֆինանսների մասին տեղեկությունները դառնան հանրության սեփականությունը:
Նախընտրական արշավի ժամանակ միլիարդատերը հայտարարել է, որ հայտարարագիրը աուդիտորների մոտ է, եւ հրաժարվել է հրապարակել իր կողմից վճարվող հարկերի չափը: Այդպիսով՝ նա խախտել է Միացյալ Նահանգների նախագահի թեկնածուների համար հաստատված վաղեմի ավանդույթը: Թրամփի հակառակորդների կարծիքով՝ նա կարող էր օգտվել ունեւոր բիզնեսմենների համար բազմաթիվ արտոնություններից եւ դաշնային հարկեր գրեթե չվճարել:
