Իրանի իշխանությունները երկրի հյուսիս-արևմուտքում առնվազն 20 մարդու են ձերբակալել՝ Իսրայելի հետ համագործակցության կասկածանքով։

Ըստ նահանգի դատախազ Հոսեյն Մաջիդիի, ձերբակալությունները տեղի են ունեցել Արևմտյան Ադրբեջան նահանգում՝ Իսրայելի հետ կապված ցանցերի դեմ իրականացված ռեյդերի ժամանակ. հայտնում է Fars-ը։

«Քսան մարդ ձերբակալվել ու կալանվել է այն բանից հետո, երբ պարզվել է, որ նրանք սիոնիստական թշնամուն տեղեկություններ են փոխանցել զինվորականների, իրավապահ մարմինների և անվտանգության ծառայությունների տեղակայման վայրերի մասին»,- հայտնում է իրանական լրատվամիջոցը:

Հիշեցնենք, որ ԱՄՆ-ն և Իսրայելը փետրվարի 28-ից հարձակվում են Իրանի տարածքի վրա, ինչը հանգեցրել է ավերածությունների և մարդկային զոհերի։ Ի պատասխան դրան՝ Իրանը հրթիռային հարվածներ է հասցնում Իսրայելին և տարածաշրջանում ԱՄՆ ռազմաբազաներին։ Իսրայելի և ԱՄՆ-ի հարձակման հետևանքով սպանվել են նաև Իրանի գերագույն առաջնորդ այաթոլա Ալի Սեյեդ Խամենեին և երկրի այլ բարձրաստիճան պաշտոնյաներ։

Մարտի 2-ին Իսրայելի դեմ պատերազմի մեջ է մտել նաև «Հեզբոլահ» շարժումը։ Իսրայելը հայտնել է շարժման դեմ հարձակողական գործողություն սկսելու մասին և մտել հարավային Լիբանան։