Ադրբեջանում 16-ամյա աղջիկն ինքնասպան է եղել այն բանից հետո, երբ ընտանիքը հրաժարվել է նրան կացարանից տուն տանել։ Այս մասին գրում է «Пуля» Telegram-ալիքը՝ հրապարակելով նրա կյանքի վերջին րոպեների տեսանյութը։

Ըստ աղբյուրի, Նուրջանն այնտեղ էր հայտնվել մոր մահից և պապից փախչելուց հետո, որի մոտ նրա կյանքը մղձավանջի էր վերածվել։

Աղջիկը սպասում էր, որ իրեն կվերցեն հորաքույրները կամ հայրը, սակայն ոչ ոք այդպես էլ չի եկել, իսկ հայրն առհասարակ հրաժարվել է նրանից։

Իմանալով այդ մասին՝ նա բարձրացել է վերին հարկ և ցած նետվել։

«Միայն նրա մահից հետո են հորաքույրները հայտնվել՝ իրերն ու գումարը վերցնելու համար»,- գրում է ալիքը։