Ստամբուլի Ֆաթիհ թաղամասի շենքերից մեկում տեղի ունեցած պայթյունի հետևանքով, որը, ենթադրաբար, առաջացել է բնական գազից, փլուզվել է երկու հարևան շենք, հայտնում է TRT Haber-ը։

Դեպքի վայր են ժամանել բազմաթիվ ոստիկաններ, հրշեջներ, բժշկական բրիգադներ և Աղետների ու արտակարգ իրավիճակների կառավարման վարչության (AFAD) խմբերը, իսկ փլատակներում սկսվել են որոնողափրկարարական աշխատանքներ։

Նախնական տվյալներով, փլատակների տակ հինգ մարդ էր մնացել։ Փրկարարական աշխատանքների արդյունքում բոլոր հինգին դուրս են բերել փլատակների տակից և շտապօգնության մեքենաներով տեղափոխել մոտակա հիվանդանոցներ։